МЭРГЭЖЭЛТЭ ҺАЙНДЭРЫЕ УГТУУЛАН

"Амар сайн" театрай хатаршад - Үбэр Байгалай хизаарай габьяата артист Жанна Дамдинова, мүн тиихэдэ Алексей Дымбрылов гэгшэдтэй Агын телевидениин ба радиогой студида мүнөөдэр тусхай уулзалга үнгэргэгдэбэ.

Ушарынь гэхэдэ, апрелиин 29-дэ орон доторнай тэмдэглэгдэдэг уласхоорондын хатарай үдэртэ зорюулагдаһан дамжуулга бэлдэгдэбэ.

Олон жэлэй туршада соел урлалай "таряалан" дээрэ урагшатай хүдэлжэ, амжалтын баян ургаса суглуулһан хатаршадай зохёохы зам тухай дэлгэрэнгы хөөрэлдөөн эмхидхэгдэбэ.

Мэргэжэлтэ һайндэрэй үдэр, апрелиин 29-дэ Агын телевидениин дамжуулгада үглөөнэй 09:20 сагта хараха, Агын радиодо 17:10 сагта шагнаха аргатайт гээд уридшалан мэдүүлэе.