ТҮҮХЭДЭ НЭРЭНЬ МҮНХЭЛЭГДЭХЭ
Нютагаймнай үзүүр хүбүүдэй нэгэн, буряад-монголшуудай үндэһэтэнэй хүдэлөөнэй түлөөлэгшэ, эрдэмтэн, оршуулагша, хизаар ороноо шэнжэлэгшэ Цыбен Жамцараногой алдар нэрыень мүнхэлхэ зорилготойгоор Агадамнай хүшөө бодхоогдохонь.
Тус ажаябуулга ехэтэ дэмжэжэ, "Амар сайн" театр нигүүлэсхы сэдьхэлэй концерт-наада эмхидхэнэ. Шэтэдэ, хизаарай филармонидо, мартын 30-да үнгэргэгдэхэ хэмжээ ябуулгада эдэбхитэйгээр хабаадажа, хүшөө бодхоолгодо нэмэреэ оруулжа, хүн бүхэн буян үйлэдэхэ аргатай.
Буряад угсаата арадайнгаа түүхэ намтарые ажал хэрэгээрээ улам баяжуулһан Цыбен Жамцараногой элитэ нэрэнь үеһөө үедэ дамжуулагдажа, бата бэхеэр хадуугдан үлэхэнь лабтай.
Һүдэнтэ нютагһаа уг гарбалтай, дэлхэй дүүрэн мэдээжэ Цыбен Жамцараногой суута нэрэнь мүнхэлэгдэхэ, бултааран эбтэйгээр хабаадая!