ҺАРГАМА ГОЕ, ЖЭНХЭНИ ХУБСАҺАМНАЙ ГОЕЛ БАЙНДАА...

"Элинсэгэйм алтан шүрбэһэн" ("Золотая нить наших предков") гэһэн үндэһэн хубсаһанай уласхоорондын III харалга-мүрысөөн мүнөөдэр "Амар сайн' театрай танхим соо үнгэргэгдэбэ. Буряад оронһоо, Монголһоо, Шэтэ хотоһоо, Шэнэхээн нютагһаа, тиихэдэ Агымнай тойрогой аймагай түбтэ ба хүдөө һуурингуудта ажаһуудаг уран гартан олоороо сугларжа, жэнхэни арадайнгаа хубсаһа хунарай янза бүриие, гое һайханиие дурадхаба. "Амар сайн" театрай артистнар тус хэмжээ ябуулгада хабаадажа, дуу хатараараа шэмэглэбэ. #культуразабайкалья